芋圓一 (已結業)

凍嘅黑糖水入面放左暖暖地嘅芋圓。感覺啲芋圓係keep住整唔係一早整好哂放喺度。有唔同色嘅芋圓同地瓜圓。口感煙韌。亦都食得出有芋頭味同蕃薯味。唔係得舊粉咁。睇形狀都似真係手工製作。另外仲配左好多配料。紅豆粉圓白玉薏米涼粉。紅豆粉得黎仲有一粒粒豆。唔會太甜。白玉同薏米亦都有咬口。涼粉爽滑。成碗芋圓都好多料。岩哂咩都想食啲嘅人。配搭上亦都得宜。有好多唔同口感。亦都唔會死甜。$36定價感覺有少少貴。不過最值錢係手工。所以有機會都會再黎食。