大瀛喜日本料理 (已結業)

今晚同一位intern 舉行 Farewell party. 我地就搵左呢間大瀛喜日本料理 ，任食任飲2小時，都係2百幾蚊，價錢唔貴，但好有質素。開頭叫野食就比較慢左D，但之後D野食都黎得足，上得快~我地BOOK左13位，俾左間房我地，間房坐得舒服，又唔係太嘈，唔似其他日本放題坐得好迫，又好嘈傾唔到計。刺身：三文魚唔太肥，好味。其他刺身都無乜雪得太耐既味。甜蝦都好大隻，D肉很爽。鰻魚:  我地叫得多，師傅索性俾成條我地，正呀~~~ 燒得好味，推介!燒物: 推介芝麻雞翼，好大隻，外層好脆! 羊架燒得很香口，我地叫完再叫!燒菠蘿，呢個都值得叫黎食，燒得好好味，真係估唔到!牛脷，就麻麻地了，可以唔使叫.壽司: 不錯，啲飯煮得幾好芝士焗虎蝦: 推介，上面有芝士，隻蝦又燒到好香，一定要叫完再叫~豆腐湯: 正常，冇乜特別炸榴槤: 鐘意食榴槤既你一定要食，好正，味道一流. 雞軟骨: 冇乜特別煮蜆:心太軟: 呢個唔係好得，味道不太好，焗唔起，師傅要再做好D啦