當下 (和富道) (已結業)

今日同朋友去和富行街，走既時候經過見到呢間睇落勁高級但價錢又好似唔算好貴，所以決定一齊食埋晚飯先走~ 因為尚早，所以唔洗位就入得。店內既座位唔算太多，每枱之間都有一定距離，坐得都好舒服。我地叫左個 Dinner set for two $498๛巴拿馬火腿伴蜜瓜蜜瓜鮮甜又多汁，配埋巴拿馬腿做開胃小食真係唔錯~  ๛ 有機凱撒沙律蔬菜新鮮，麵包粒好香脆~๛ 黑松露磨菇湯 一上枱已經聞到黑松露既飄香，好鐘意有碎磨菇既磨菇湯，口感特別好~ 磨菇湯既黑松露同磨菇味都好濃，互相配搭得好好，唔會蓋左對方既味道~ 飲完覺得唔夠喉!๛ 有機雜菜湯，飲得出誠意，好足料，煮到有少少蔬菜溶咁令到口感提升既同時又唔會太濃稠๛ 黑松露野菌手打闊條麵首先同個湯一樣，黑松露味好重好香，一上枱已經聞到。配料份量都多，啖啖野菌好滿足。闊條麵勁煙韌，加埋個汁勁creamy，超好食!๛ 炭燒法國黃油春雞成日都好怕炭燒雞既肉質會好鞋，但朋友堅持想食雞，唯有叫啦。又意外喎，呢個炭燒春雞既肉質好嫰滑，一啲都唔鞋，雖然唔係話超有肉汁，但對呢個雞己經好滿意! 配菜有薯蓉同少量西蘭花，整體份量好足，呢個價錢確物超所值!