影片
更多
2022-01-14
2159 瀏覽
去科學園遊走一吓影吓相，原來因應附近新樓盤相繼入伙，呢度開咗好多新餐廳，因為今日玩得攰攰哋，所以想搵間坐得舒服啲嘅餐廳，就選擇咗呢間食法國菜嘅Briketenia。呢度環境寧靜，座位又夠舒適，兩旁仲有卡位。呢間西餐廳係由法國引入，而佢嘅法國總店仲係米芝蓮餐廳添。晚市套餐由$348起，就可以品嚐有質素嘅法國菜。麵包有餐包同長法包，而佢並唔係奉上牛油，取而代之嘅係混入咗香草同香料嘅沙律醬，口感更香更幼滑。嚟到當然要揀佢哋嘅招牌菜法式鵝肝焦糖燉蛋(Foie Gras Crème Brûlée)，起初我都有疑問，點解Crème Brûlée唔係甜品而係前菜，原來佢係一個鹹點，混入咗鵝肝嘅燉蛋，上面再配上脆糖同士多啤梨果醬，味道果然有驚喜。由於味道偏濃，所以同時亦會配上麵包片同沙律菜，可以中和一下味道。另外嘅前菜就揀咗巴馬火腿沙律(Parma Ham Garden Mix Salad)，Parma Ham鹹香味道適中，配合新鮮沙律菜係一個相當不俗嘅配搭。三文魚醬法式多士(Salmon Rillettes with French Baguette)又係另一個驚喜，三文魚醬份量相當多，除咗可以搭配法
呢度環境寧靜，座位又夠舒適，兩旁仲有卡位。
呢間西餐廳係由法國引入，而佢嘅法國總店仲係米芝蓮餐廳添。
晚市套餐由$348起，就可以品嚐有質素嘅法國菜。
麵包有餐包同長法包，而佢並唔係奉上牛油，取而代之嘅係混入咗香草同香料嘅沙律醬，口感更香更幼滑。
嚟到當然要揀佢哋嘅招牌菜法式鵝肝焦糖燉蛋(Foie Gras Crème Brûlée)，起初我都有疑問，點解Crème Brûlée唔係甜品而係前菜，原來佢係一個鹹點，混入咗鵝肝嘅燉蛋，上面再配上脆糖同士多啤梨果醬，味道果然有驚喜。由於味道偏濃，所以同時亦會配上麵包片同沙律菜，可以中和一下味道。
法式鵝肝焦糖燉蛋
20 瀏覽
1 讚好
0 留言
三文魚醬法式多士(Salmon Rillettes with French Baguette)又係另一個驚喜，三文魚醬份量相當多，除咗可以搭配法式多士一齊食，混合沙律菜味道同樣匹配。
三文魚醬法式多士
19 瀏覽
0 讚好
0 留言
至於加拿大豬扒伴薯蓉及新鮮蔬菜(Canadian Pork Chop, Mashed Potatoes & Grilled Vegetables)亦屬高質，豬扒中間呈粉嫩，旁邊嘅蔬菜有菠菜、甘筍、蘆筍等之外，再配合充滿牛油香嘅薯蓉，令我更加之欣賞。
加拿大豬扒伴薯蓉及新鮮蔬菜
16 瀏覽
0 讚好
0 留言
張貼
