影片
更多
2022-08-07
124 瀏覽
上網見人介紹個下午茶，200一位任食，仲要中環區，本住抵食心態去試。因為本人要指定星期六，book咗成個月先有。終於到呢日啦！中環街市扶手電梯行上去，一d都唔辛苦，店舖唔難搵，只係揾出入口花點時間。結果我係人地間舖行上二樓，人哋店主可能都見慣哂，好友善地指引。我其實遲到，但店員都好友善俾返足90分鐘我用餐。坐位唔多，但地方舒適整潔光猛。食物方面每件都好精緻，絶對有能力試哂咁多款。咸點比甜點多，啱我呢d食唔到太多甜嘢嘅人。但其實佢d甜點都唔會太甜😆。咸點我個人喜歡大蝦牛油果撻，朋友喜歡鮑魚穌同黑松露穌。感動位係，店員每一杯熱咖啡都會用心拉花。任食，仲要得三個店員嘅情況，店員都用心出品佢嘅咖啡，好有態度。用餐完畢，店內無乜人，店員仲容許我哋係度傾計到收店。好友善。真心推薦，一定會再去。🥰
因為本人要指定星期六，book咗成個月先有。
終於到呢日啦！中環街市扶手電梯行上去，一d都唔辛苦，店舖唔難搵，只係揾出入口花點時間。結果我係人地間舖行上二樓，人哋店主可能都見慣哂，好友善地指引。
我其實遲到，但店員都好友善俾返足90分鐘我用餐。坐位唔多，但地方舒適整潔光猛。
食物方面每件都好精緻，絶對有能力試哂咁多款。咸點比甜點多，啱我呢d食唔到太多甜嘢嘅人。但其實佢d甜點都唔會太甜😆。
咸點我個人喜歡大蝦牛油果撻，朋友喜歡鮑魚穌同黑松露穌。
感動位係，店員每一杯熱咖啡都會用心拉花。任食，仲要得三個店員嘅情況，店員都用心出品佢嘅咖啡，好有態度。
用餐完畢，店內無乜人，店員仲容許我哋係度傾計到收店。好友善。
真心推薦，一定會再去。🥰
張貼