登堂 (已結業)

約左好耐無見的朋友係觀塘Downtown 食飯，呢度的環境都唔錯，waiter幾有禮貌，我同朋友坐二人位，隔離有一張凳俾我地擺袋，呢樣嘢都幾貼心。嘢飲我叫左朱古力爆谷厚鮮奶，朋友飲烏龍茶蜜糖牛油果奶蓋。我幾鍾意厚鮮奶，唔會太甜，同時有爆谷香。黑松露醬海鱸魚柳貓耳粉，食物一到的時候，就聞到香香的黑松露味，鱸魚肉質偏韌，但湯汁很鮮甜，應該是因為鱸魚鮮吧。所以我都幾鍾意。炭燒美國頂級肉眼扒，5 成熟，幾有牛味，唔會韌，桌上有海鹽，可以自己調教鹹淡。見到煎到一格格，就覺得好吸引。蘋果批雲尼拿雪糕，雪糕好滑，但係好快溶化。外面的皮係酥的，入面係一粒粒的蘋果粒，沾上雪糕食，我很滿意。總體而言，是有質素的。