彤粵菜小館 (已結業)

太耐冇食過中式小菜啦，好想食下啲鑊氣小炒！咁啱嗰日同同事OT完就一齊去咗尖沙咀呢間新開嘅粵菜館食飯，抖一抖回下氣。首先簡簡單單叫個生炒菜芯打打底冇咁油膩，菜芯好清甜！跟住青咖喱雞配薄餅估唔到惹味！青咖喱嘅辣味適中，唔會話辣到好難受，但又會好吸引你繼續一啖接一啖食落去，滑嫩嘅雞肉吸收晒咖喱嘅精華，夾住薄餅食，簡直係一流！之後仲叫咗個番薯安格斯牛柳粒，番薯香甜軟糯，再加上牛肉味道香濃給安格斯牛柳粒，牛肉口感軟腍，加埋啲紅椒青椒，味道更加豐富🥳估唔到新開呢間舖頭都都幾好食，價錢合理，環境舒適，下次收工可以同同事一齊再嚟呢到食。