Quattro's Kitchen (已結業)

Item: Quattro's Kitchen
Rating: 5
Author: foodieloveeating

4.5

98 食評

味道

環境

服務

衛生

抵食

2074

太古

$101-200

多國菜扒房咖啡店

foodieloveeating

等級4

366

呢日放工黎到太古呢間QUATTRO~ 唔係朋友講都唔知AEON 入面有呢間咁好食既西餐廳! 呢間QUATTRO係太古康怡AEON 既3樓, 食飯前我仲慢慢行左陣等朋友~ 呢度既set dinner 都有好多選擇, 仲可以加$38 食埋出面自助吧既野食, 自助吧都有好多野食, 例如係煙鴨胸, 沙律, 蘑菇湯,餐包, 薯條, 咖哩角同甜品等等! 自助吧既食物都幾高質, 蘑菇湯勁CREAMY, 一D都唔會因為佢係任飲而HEA~ 薯條同咖哩角呢兩款炸物都係脆同熱既! 隔離仲有茄汁同沙律醬提供添! 另外仲想讚下佢既煙鴨胸, 好夠味同埋不斷都有REFILL! 甜品有幾款CAKE之餘仲有啫喱, 食得出係羅拔臣個隻! 好耐冇食過好懷念! 呢個自助吧既野食都好岩小朋友食, 湯、炸物、餐包、甜品! 講番主菜先, 我地揀左兩款, 一款係菠菜雞肉忌廉水管粉, 一款係香煎牛柳拼大虎蝦, 野飲方面我地就加錢叫左特飲, 一杯係抹茶鮮奶紅豆, 一杯係污糟咖啡, 個菠菜雞肉忌廉水管粉真係好令我驚艷, 水管粉配呢個汁好夾, 水管粉沾滿哂醬汁, 真係好好食! 醬汁又夠哂creamy, 份量又多~ 香煎牛柳拼大虎蝦既牛柳好有

呢日放工黎到太古呢間QUATTRO~ 唔係朋友講都唔知AEON 入面有呢間咁好食既西餐廳!

呢間QUATTRO係太古康怡AEON 既3樓, 食飯前我仲慢慢行左陣等朋友~ 呢度既set dinner 都有好多選擇, 仲可以加$38 食埋出面自助吧既野食, 自助吧都有好多野食, 例如係煙鴨胸, 沙律, 蘑菇湯,餐包, 薯條, 咖哩角同甜品等等! 自助吧既食物都幾高質, 蘑菇湯勁CREAMY, 一D都唔會因為佢係任飲而HEA~ 薯條同咖哩角呢兩款炸物都係脆同熱既! 隔離仲有茄汁同沙律醬提供添! 另外仲想讚下佢既煙鴨胸, 好夠味同埋不斷都有REFILL! 甜品有幾款CAKE之餘仲有啫喱, 食得出係羅拔臣個隻! 好耐冇食過好懷念! 呢個自助吧既野食都好岩小朋友食, 湯、炸物、餐包、甜品!

講番主菜先, 我地揀左兩款, 一款係菠菜雞肉忌廉水管粉, 一款係香煎牛柳拼大虎蝦, 野飲方面我地就加錢叫左特飲, 一杯係抹茶鮮奶紅豆, 一杯係污糟咖啡, 個菠菜雞肉忌廉水管粉真係好令我驚艷, 水管粉配呢個汁好夾, 水管粉沾滿哂醬汁, 真係好好食! 醬汁又夠哂creamy, 份量又多~ 香煎牛柳拼大虎蝦既牛柳好有牛香味, 虎蝦又夠彈牙夠哂新鮮! 配埋佢既汁真係一流! 特飲好出色, 抹茶鮮奶紅豆唔會太甜, 紅豆又大粒, 抹茶味又濃郁! 污糟咖啡就好有咖啡既香味! 呢間餐廳都真係好岩一家大細黎食! 另外店員既態度非常有善, 令人食得開心!