TEA HUB (已結業)

最近得閒打番食評，想分享番早前食左呢間cafe，tea hub一直都係想食既餐廳list，朋友為我慶祝生日同我黎呢間cafe，叫左3個甜品，因為3款甜品（戚風蛋糕，卷蛋，芝士蛋糕）都想試，我同朋友一路食一路讚賞個玫瑰鐵觀音戚風蛋糕，覺得個蛋糕香又好食，個d cream好幼滑，個蛋糕玫瑰味勁過茶味但真係甜品中最出色。其他甜品方面，芝麻芝士蛋糕，伯爵茶卷蛋都好食，但戚風蛋糕真係要必點。一大盤雜菜鰻魚飯我覺得佢既雜菜同饅魚大份夾好食，呢個份量完全係非常足料，而且有曬我鐘意既元素，仲加左木魚係鰻魚上面，而且薯仔外脆內軟岩曬我呢個薯仔控。仲有想講佢成間cafe樓底高，個感覺好舒服同埋同出面既街市好格格不入，入左去會覺得有空間感。食完係好滿意，食物有足料既份量。cp值高。