宮崎日式燒肉店 (已結業)

幾年前第一次食宮崎，已經覺得質素幾好唔錯，仲要咁多年都係keep住二百幾蚊，旺角來講都好抵食。之前係雜誌廣告見到原來已經 六周年慶典，仲裝修翻新過，感覺 young 好多。坐底寫紙仔，有成100款美食任點任食，真係睇到眼都花識食就梗係食刺身先啦！甜蝦同埋吞拿魚都係鮮味之選，三文魚厚身而且肥美。因為肚餓，所以都係食d唔使燒嘅先，壽司真係唔錯。尤其是最鍾意食鰻魚壽司吉列蠔更加係好味道有質素的好選擇。今晚全場爆滿，所以都等左一段時間啲牛肉先至送到，脂肪分布平均，一睇就知道不得了一定好好味。仲有每兩位都可以送一份嘅仙境純情豚，店員說是日本岩手縣直送口感果然 good.仲有貴價嘅法式香草羊架，我的最愛香燒海蝦真係新鮮到不得了。到最後連鰻魚炒飯都食埋，真係飽飽!任飲嘅特色飲品，一啲都唔普通，韓國製嘅提子汁都零舍特別好飲。