星月樓

營業中

休息中

今次嚟咗上環呢區，試吓呢間都有中上質素嘅酒樓。我哋一行七人試左半圍嘅套餐。首先有燒味拼盤質素都中規中矩。上湯龍蝦伊面都幾足料，啖啖肉。另外最鍾意嘅就係佢哋嘅招牌欖角骨，每舊都做到好脆之餘仲好入味。最後有甜品做結尾，蒸咗兩個甜點都有驚喜，紅棗糕好煙韌，味道唔會太甜，口味啱啱好！另外仲有食咗啲咩呢，就大家睇吓相啦⋯⋯ 酒樓環境算係舒適同乾淨，唔會有好擠迫嘅感覺，樓面嘅服務亦都好細心周到。中上環區來講，呢間算係價錢相宜環境OK。