星月樓

營業中

休息中

香港要搵四川菜好容易，北京菜就難好多。嗰日嚟食咗唔少傳統北京菜，包括北京填鴨，酸辣湯，高力豆沙。當日發生咗件搞笑小插曲，就係叫咗拔絲蘋果後，上咗一碟只有一舊拔絲蘋果，其餘三舊都係拔絲香蕉嘅甜品，但服務員亦都好好，立刻幫我哋重新換咗一碟，亦有講唔好意思。

食得多茶餐廳都會想去酒樓飲杯茶歎下經過上環 阿媽話呢間酒樓好出名咁就陪下老人家啦🤗🤗📍蛋煎糯米雞好特別 估唔到咁出色反而咁樣煎出黎無左個種‘膩’既感覺可以一試😋📍鮮蝦菜苗餃皮薄 大大隻鮮蝦 配上波菜苗 好食👍🏻📍燒腩麵脆皮嫩肉 最估唔到佢係跟生麵酒樓既麵通常都係伊麵但佢係彈牙生麵 真係very good😎📍香煎薄撐唔會太厚粉（蝦米+蔥）煎完出黎好薄仲脆脆地 正😄雖然係上環區但係價錢好合理👍🏻

這間星月樓在上環區算是數一數二街坊首選的酒樓，今次我因參加親友生日聚會，才第一次來試下晚巿套餐。碧綠珊瑚玉帶子帶子很鮮嫩，蔬菜新鮮爽口，正常好食的一道菜，如果份量再多一點就好了。松露榆耳伴蝦球蝦球肉質鮮嫩，食落口感覺似龍躉，而且不是太鹹，充分感受到蝦肉的鮮味，不錯。清蒸海東星斑豐腴肥美，口感绵密嫩滑，啖啖肉，入口即化，散發出誘人的魚香味。蠔皇蝦籽柚皮扣玉掌很有心思製作的一道菜式，不是很多酒樓提供。柚皮炆得軟淋，醬汁亦很濃郁，令鵝掌很入味。當紅炸子雞皮脆肉嫩，雞皮炸到脆卜卜，燒得金黃脆香，可以咬到索索聲，不會有肥脂肪黐住雞肉，雞肉嫩滑，肉汁鮮甜，就算雞胸位都不會乾柴。京蔥爆炒海參海參吃起來很Q彈，再加上蔥姜爆炒，濃郁的味道，口感特別。紅燒大鮑翅魚翅色澤自然，翅針彈牙，吃來口感細緻，絲絲分明而有彈性。水餃長壽伊麵水餃雖然只得兩粒，但夠大粒，蝦特別爽脆，加上鮮嫩嘅雲耳和掛汁的伊麵，口感不錯。菜單好豐富，而且有埋壽桃包，用來慶祝長輩生日就最好不過了。

由第一次到飲茶地下既知客 態度已經很不友善 問攞喜宴既餐單回答係冇 我真係唔明咩意思 個知客只係識得對啲熟客打招呼幫熟按票 但外來既客就不禮貌叫啲客自己按票 咁既服務態度 今時今日咁既服務怪唔知飲食業都比你整死曬 店長更加唔專業聯絡左訂幾枱 個店長都清楚確定左所有既野 但都唔可以唔會再聯絡要落訂及確場地環境點安排 還要我親自落到酒樓找店長去傾 咁既店長又算唔算叫有責任感呢 到尋日當日既安排我幾枱圍封又圍唔好 又放枱飲茶既枱係我既隔離咁我唔知你度個店長係咪只收人工乜都唔關事 完全冇責任既價值 自己明知個層中午有喜宴自己唔負責 交比啲 又係冇用既女部長 個店長淨係話我已經圍好 但個女部長就話我食飯唔係我負責 咁到點係邊個負責呢 係我負責定係要老細係度負責呢 搞到我個幾枱既親朋戚友都好唔高興 唔該你哋星月樓搵啲話到事既老細交代反我 唔係我一定會有進一步行動

我需然只係中午幾枱喜宴 店長安排失職，明知有幾枱喜宴店長話圍封好位置 但自己唔睇返個3樓，就交給一啲又係唔負責任既部長 唔知點解會折左個圍封放一張枱飲茶既係我個幾圍入咁既服務質素你哋覺唔覺得有問題呢 個女部長還要解釋一句我食飯唔知道 咁有邊個負責任呢 真的每人氣憤 唔該請有關既高層交代給我

落單三個菜，時間七點鐘，等咗半小時，好聲好氣問咗幾次都係話＂好快到”，結果係遲嚟嘅都食完走了⋯⋯成個鐘先上兩個菜。埋單仲衰，問句”浪費客人成個鐘時間都上唔齊三個小菜，係咪應該打折？”，個經理嘅回答係至多免碟花生錢，唔畀錢就報警！然後又開始等埋單，見到後面嘅客人都埋咗單走人了，於是問帳房點解仲未出單，帳房指住話係經理度，問個經理點解hold住張單，堂堂經理竟然可以推返去帳房身上！第一次幫襯晚市就享受咁特別嘅服務，唔廣而告之實在對唔住這種服務質素。

今日去咗呢間酒樓飲茶，我認為佢喺上環已經屹立左10幾年，佢有幾層，所以呢你個朋友都要知道係第幾層先得，否則好容易就會去錯樓層，我哋點咗蝦餃仲有佢嘅馳名鮑魚燒賣，另外我都好鍾意食佢嘅尖椒，因為都真係煎得鬆脆，當然唔少得嘅就係要嗌佢嘅叉燒包同埋佢嘅甜品，出品都係唔錯嘅。只係我覺得佢美中不足嘅係價錢上邊都貴咗少少，因為炒一碟飯都要150以上，可能因為佢嘅鋪租都貴咗，不過呢啲喺中上環嘅酒樓都係午市多人過晚市。

週末一定會去的茶樓，每次去都要拿號等位，等位的香港本地人居多，還有很多上了年紀的老人家，可見他家的茶點是很受本地人歡迎的。非常喜歡它們家的鮑魚燒賣，鮑魚入味，燒賣不肥不膩，一口咬下很滿足。蝦餃、鳳爪、腸粉、乳鴿都中規中矩，不會踩雷。酒樓的環境也寬敞，分兩層。三樓茶位費比二樓貴，但是等位時間比較短。如果想盡快吃到茶點可以選擇等三樓的位置。唯一缺點就是電梯比較老舊，每次只能進四個人喔，如果趕時間的話建議走樓梯。樓梯間的佈置也很雅致，連地磚都在閃閃發光。

屋企人夜晚好鍾意呢度嗌小菜食飯，今晚有親戚喺外國返嚟，就話喺呢度一齊食飯。啲嘢食好夠熱，份量都公道，而我最期待嘅就係個壽包，熱辣辣，超好食。入邊仲有啲鹹蛋黃， Yummy😋

中秋節當日中午約咗好友飲茶，唔知係咪節日關係，啲員工比較唔好老脾。全場唔滿，但落單、加水要三催四請，啲阿姐先會睬你。成功落到單，就等等等等等，期間禮貌地問佢咗佢2次有冇漏單，仲未有嘢食，阿姐表示一定唔會漏，整要時間。ok繼續等，結果等咗9個字先上第一碟點心(潮洲粉果)，係熱嘅，味道都唔差，但個皮蒸過籠，濕到1 pat pat。。。之後繼續等等等，再多3、4個字先再上一碟點心。無幾耐，阿姐走過嚟話夠鐘交枱，有好多人排隊等緊位。黑人問號，入座無提過限時用餐(但都有心理準備個寧鐘要交枱)。之不過，大佬，你嘢食又未上齊，又9個字先上第一碟點心，點樣交枱畀你？忍唔住同佢講：吓，依加先上得2碟嘢，個飯同其他嘢都未上，交咩枱？阿姐：咁你哋食快啲，夠鐘交枱啦，人哋都要食嗱，唔係想死霸住張枱，但隔離仲有幾張空嘅，嘢食上得慢，我想快都唔得啦。。。真心唔知咩服務態度，朋友話之前食過唔係咁，可能我唔好彩，第一次就中伏。

一到達明明有book枱 服務員沒有開茶 叫咗5分鐘先肯理你 記得一定要 大叫 大叫 阿姐 佢眼尾先會望你一眼 叫你等落單俾紙個阿姐明明係12點40分 到咗1點10分 張枱淨係得一樣食物 同前枱講叫野叫好耐 原來張食物紙12點57分先入電腦 原來㩒掣要㩒17分鐘 真係長知識啦 個前枱話要俾啲耐性喎 大家去 一定要俾啲耐性啦 起碼等半個鐘 仲要受個服務員發脾氣㗎 俾多咗餐具服務員自己執返仲要發脾氣 歡迎各位想受氣 覺得自己時間多 可以去 你會望住其他枱啲食物 然後由日出等到日落 🌅唔需要食 已經成肚氣啦😉😀

極負評！最尾嗰碟餸等咗45分鐘，追到想走嗰陣時佢就搬出嚟。隔籬枱枱都有甜品送，我哋唔知係咪新客睬都唔睬我哋，到問啦，佢就話你要叫人攞出嚟㗎嘛，總之就食到肚氣，又唔係平過人，絕對再唔會要幫襯！

上菜很慢。食物質素令人吃驚。乳豬像餸頭餸尾，是我吃過最難吃的乳豬。脆皮金薯咕嚕肉有一舊好多骨嘅魚。酒樓不是滿座，但出餸何其慢。到底發生什麼事呢？19:54落單，21:20仍未嚟齊D餸，我錯了，誤入此酒樓。

吃了過午餐, 很多人, 還好等了一會兒.點了蝦餃皇, 豉汁蒸排骨, 順德鯪魚球, 喜灼芥蘭, 和馬友鹹魚雞粒炒飯.炒飯一般一般, 不太鹹.但排骨很好味, 又有小芋頭作配菜, 很有懷舊風味.鯪魚球內有小臘肉粒, 很有特色, 不過, 吃的時候, 要多咬幾口, 不像棉花軟棉棉.芥蘭一般只有豉油沒有蠔油.蝦餃皇爽口很新鮮, 共4粒.新年過後還推出其他夜宴套餐.食具比較舊, 舊式供茶服務不過, 新加了一些玻璃板活動屏風, 在有需要的時候, 拿出來, 隔一隔食客.

鑑於老編遲遲未通過審核，我再補充一些對此事的看法。記得長者日去新九龍廣場名御苑早茶，八時未到，門口已經聚集了十多位等開門的老人家，打聽一下，原來他們為了酒樓那天供應長者13.80一個鷄球大飽及贈送一件白糖倫教糕而來的。我也點了一個鷄球大飽，老實說，餡料是名不符實的，只有一片鷄肉和一只春蛋，那件倫教糕也是薄薄一小片，所以酒樓絕對不會虧本，但收到了不錯的宣傳效果。如果那天星月樓不是抱著賺到盡的心態，茶費照舊收九元一位，而且趁冬節送茶客每位一件蘿蔔糕，相信效果完全不同！那天抱怨的客人不只我一個，酒樓入座率比平時少了，我見到有些客人知道沒有早茶優惠更掉頭走了！两家酒樓營銷策略不同，得到的效益也不一樣。