金記冰室 (元朗廣場) (已結業)

放假出去唞唞氣，由千島湖行落大棠，行吓影吓相都差唔多四個幾鐘，個肚餓都打鼓即刻要去搵嘢食，落咗車喺元朗廣場見到金記冰室，嗱嗱聲九秒九入去食嘢，因為之前喺荃灣食過有水準！餐廳裝修比較新穎，枱與枱之間保持一定距離，抵讚！見到二人套餐有中西湯，兩個小菜，再加白飯和飲品！我哋揀咗蔥油雞和干煸四季豆！餐湯可以揀中湯或者西湯，我比較鍾意羅宋湯蔥油雞，雞肉嫩滑，一啲都唔鞋，最正係啲蔥呀！干煸四季豆，放咗橄欖菜和肉碎落去炒又香又嘢味！送飯一流見到隔離枱食鐵板餐，忍唔住又嗌多一塊牛扒，五成熟剛剛好！夠肉味，黑椒汁另上！正到冇朋友最後忍唔住，食返個甜品，法式西多士，超級正呀餐飲叫咗紅豆冰和鹹檸七今日行山嘅努力應該白費咗！攬住個肚離開