影片
更多
2015-04-20
990 瀏覽
食完拉麵嚟啪啡，12點幾尚算早但都要等位，好彩一個人唔使5分鐘就入座。首先要Flat White，泡面有粗粒未與啡充分融合，好在飲落尚算柔滑，奶脂及啡味平衡，但我唔係好飲到啡底特性。問Barrister，佢話店方希望將咖啡帶給更多客人認識，於是house blend咗兩種質感嘅espresso：香氣型、口感型。而latte, flat white, piccolo嘅咖啡底都係用口感型。飲完水，我決定各款要一杯espresso試真啲。首先嚟咗香氣型先，用Guatemala、Ethiopia Yirgacheffe兩種豆。一上已經聞到好濃郁嘅果酸及花香，夾雜著點點煙燻味，每一秒隨住溫度改變，香氣產生輕微變化，嗅著聞著，淺嚐一口帶強烈酸勁，餘韻有點甘橘皮氣息。由於要抓緊時候而且太吸引，我少有地唔記得影相😱飲咗好幾啖水清味蕾，嚟第二杯口感型。用咗 Mexico, Brazil, Honduras三種豆，面層嘅creama比香氣型厚，油色亮麗，飲落口感厚滑，與剛才酸度高稍嚡口嘅一杯比較明顯柔順得多，餘韻帶深沉嘅果仁類味道。終於明白點解Flat White嘅泡打得唔夠細緻都有柔順口感，全是咖啡底子
首先要Flat White，泡面有粗粒未與啡充分融合，好在飲落尚算柔滑，奶脂及啡味平衡，但我唔係好飲到啡底特性。
問Barrister，佢話店方希望將咖啡帶給更多客人認識，於是house blend咗兩種質感嘅espresso：香氣型、口感型。而latte, flat white, piccolo嘅咖啡底都係用口感型。飲完水，我決定各款要一杯espresso試真啲。
首先嚟咗香氣型先，用Guatemala、Ethiopia Yirgacheffe兩種豆。一上已經聞到好濃郁嘅果酸及花香，夾雜著點點煙燻味，每一秒隨住溫度改變，香氣產生輕微變化，嗅著聞著，淺嚐一口帶強烈酸勁，餘韻有點甘橘皮氣息。由於要抓緊時候而且太吸引，我少有地唔記得影相😱
飲咗好幾啖水清味蕾，嚟第二杯口感型。用咗 Mexico, Brazil, Honduras三種豆，面層嘅creama比香氣型厚，油色亮麗，飲落口感厚滑，與剛才酸度高稍嚡口嘅一杯比較明顯柔順得多，餘韻帶深沉嘅果仁類味道。終於明白點解Flat White嘅泡打得唔夠細緻都有柔順口感，全是咖啡底子好的功勞。
個人貪心，希望咖啡既有香氣複雜性又有厚滑口感，barrister話呢個世界好公平，比較難兩者兼得。仲比意見我，話下次可以嚐試用非洲豆用hand drip，可以有較強嘅層次感同口感。
咖啡與紅酒世界一樣，很有趣很廣闊，我仍在努力學習中。
張貼
