影片
更多
2015-05-03
542 瀏覽
天氣真係好熱，唔想去太遠嘅地方，晚餐就決定係屋企附近食。想食下壽司，屋企人提議黎緣聚食，都好呀，好耐無黎了。真係好熱好口渴，一坐低即刻要整返杯七喜先，另一杯係凍甘桔，夠凍夠解渴。麻辣帆立貝，唔講得笑，真係辣到噴火。蒜片金菇肥牛，無乜金菇，肥牛幾入味。蒜容汁牛扒，牛扒薄切唔韌，煎得香口。黑椒汁羊架，有羊酥味，都幾好味。紅酒煮牛舌，好淋好入味。焗肉醬意粉，真係未試過放題有呢啲食，又幾好味喎，意粉夠韌芝士香口。各式天婦羅，炸得黎唔油又唔膩，個朱古力棒棒好好味，好似brownie咁，入面仲有朱古力流心架。印度薄餅朱古力味同咖哩味，其實係同一樣嘅薄餅加唔同醬汁。薄餅本身熱辣辣又夠油酥好食，咖哩汁係香料個種，同薄餅好夾。朱古力味就有少少怪怪地，甜甜鹹鹹咁。花之戀，一口size，三文魚新鮮，但沙律醬多了點。燒粟米，超甜粟，帶牛油香，好食。最後梗係要黎round甜品大雜燴，鮮果乳酪，木槺布甸，雪糕泡芙，紅豆和果子，芝士蛋糕。唔錯唔錯，最愛甜食。放題食足兩小時，店員會提醒last order，全晚無漏單之餘啲野食仲上得好快添，多到食唔切呀。每人二零九加一，食飽飽嘞~
真係好熱好口渴，一坐低即刻要整返杯七喜先，另一杯係凍甘桔，夠凍夠解渴。
麻辣帆立貝，唔講得笑，真係辣到噴火。
蒜片金菇肥牛，無乜金菇，肥牛幾入味。
蒜容汁牛扒，牛扒薄切唔韌，煎得香口。
黑椒汁羊架，有羊酥味，都幾好味。
紅酒煮牛舌，好淋好入味。
焗肉醬意粉，真係未試過放題有呢啲食，又幾好味喎，意粉夠韌芝士香口。
各式天婦羅，炸得黎唔油又唔膩，個朱古力棒棒好好味，好似brownie咁，入面仲有朱古力流心架。
印度薄餅朱古力味同咖哩味，其實係同一樣嘅薄餅加唔同醬汁。薄餅本身熱辣辣又夠油酥好食，咖哩汁係香料個種，同薄餅好夾。朱古力味就有少少怪怪地，甜甜鹹鹹咁。
花之戀，一口size，三文魚新鮮，但沙律醬多了點。
燒粟米，超甜粟，帶牛油香，好食。
最後梗係要黎round甜品大雜燴，鮮果乳酪，木槺布甸，雪糕泡芙，紅豆和果子，芝士蛋糕。唔錯唔錯，最愛甜食。放題食足兩小時，店員會提醒last order，全晚無漏單之餘啲野食仲上得好快添，多到食唔切呀。每人二零九加一，食飽飽嘞~
張貼
