功德林上海素食 (世貿中心) (已結業)

功德林素菜其實一直都想試，咁啱有個朋友係食素，約食飯時就順便去試試。入到去好似普通中式酒樓，我地三個人都有一張圓檯。我地叫左乾煸豆、無錫脆鱔、紅燒豆腐、上海粗炒、羅漢齋麵、豆沙窩餅。脆鱔超讚超讚超讚！其實我地order嘅時候，都唔知佢係用咩做，純粹想食脆脆地嘅嘢，一上菜食落口就停唔到！真係好脆，最後我地留左一塊問店員究竟係咩菜 - 原來係炸到透嘅冬菇！一試難忘！回購率超高！ 扁豆就比較重薑味，其他麵食都唔錯，份量好多，最緊要係有好多唔同種類嘅菜去彌補肉類。素菜餐廳原來都好多選擇，仲會有驚喜添！