Yummy Yummy (已搬遷) 新店位置

晚飯後同親愛的妹妹到葵涌廣場hea, 沿路見到幾個女仔都拎住柸/袋裝雞蛋仔嘆緊！個陣香味吸引住我兩，忍唔住上網一查，發現2樓開左幾間比較有賣雞蛋仔既小食店，眼花繚亂，唯有去到再選擇，由於這間就在入/出口位置便決定試下，款式很多，有原味，抹茶，朱古力........我們有點貪心選了有cream款式（黑之森林（唔太記得全名）：包原味雞蛋仔，威化餅，Oreo and cream），另加5蚊有雪糕，但感冒剛剛才好所以放棄了！賣相繽紛吸睛，拎上手有陣陣蛋香，外微脆不會過於乾身，內軟身且不粉口，是心機之作配料除了oreo keep到脆身外，威化餅已變林身，cream滑口厚實但敗處是不夠甜令感覺較油膩飽滯，就算面頭加左彩色脆脆也無補於是，就連不好甜的妹妹也這樣說呢這方面有待改善！整體來說只order主角雞蛋仔是不會中伏下次要試抹茶口味！