諾亞半熟蛋糕專門店 (已結業)

呢日係媽媽生日,打算去深水埗區買蛋糕既時候,途經西九龍商場時發現左間我從未聽過既半熟蛋糕。初時我都未聽過呢個TERM,對半熟蛋糕抱有新鮮感,心諗:「下? 咩蛋糕有一半熟咁得意呀?」後黎望望商店海報既解說後,覺得幾有趣,所以決定買個返屋企細心品嚐。香蕉芝士流心半熟蛋糕($78)呢個半熟蛋糕既特別之處,需要放係冰箱(-2度~-8度)低溫雪藏,食之前要拎出黎係常態下放置約半個鍾解凍,務求食既時候可以感受到佢蛋糕既鬆軟&流心既滋味。講下佢既味道;香蕉味比較濃郁,芝士味相比下冇咁出位,但同時間都可以感受到2種味道既配搭,而且好清新。佢既香蕉味流心令個蛋糕帶黎新鮮感,唔會有種好DRY既感覺,唔洗好似食普通蛋糕咁食到口乾乾~-份量方面亦唔會太少,夠4個人食到有小小飽。-拎起個蛋糕會發現有紙碟同餐具,包裝設計得幾貼心。