花火洋食 (已結業)

【屯門隱世洋食西餐】有車朋友最煩腦係泊車問題今晚無意中知道屯門政府高爾夫球場入面有間隱世洋食西餐廳：【花火洋食】。惠顧餐廳可免費泊車👏👏，簡直天大嘅喜訊。平日晚飯時段比較少人，客人以波友及街坊多。😍裝修平實，價錢公道。$338(另收加一) 二人餐有餐湯，沙律，主食兩個，仲包是日蛋糕及兩杯飲品，兩個人食剛剛好。👍主菜初榨橄欖油蒜片蜆肉風乾蕃茄扁意粉，軟硬度適中，加上微微橄欖油香味，配上乾蕃茄酸味，不油不膩。💯另一個主菜揀咗日本西京味噌焗美國穀飼豬鞍拌薯菜，用左帶甜味嘅日式西京味噌焗，焗到表面香脆內裡juicy，甜味中和左豬鞍嘅油份。拌菜嘅薯蓉係自家製，有薯粒口感，明顯唔係開粉。餐廳主菜精緻又好味，最後每人一件自選蛋糕：荔枝玫瑰慕士蛋糕 及朱古力榛子蛋糕，無任何花巧裝飾，雖然外表平實，但充滿內涵。