大家樂 (新城市廣場一期)

營業中

休息中

咖喱牛腩都算係大家樂好出名既菜式，最近佢地出左個新既配方整既咖喱，我都走左去試。雖然十二點幾去到呢度，但比我預期既小人。咖喱牛腩飯果然改良過，牛腩鮮嫩，好夠淋。又好夠肉味，juicy非常。牛腩肥瘦適中，好好食。而牛根既味道唔錯，食完都唔會覺得好肥膩。另外，加一蚊就有塊酥餅，我食果陣係新鮮熱辣，好好食架。呢塊餅最好趁熱食，唔係會變得好油膩。凍奶茶都係咁好飲，不過今次落奶落得重手左，但都可以接受既。雖然咖喱出左好耐，但大家樂會去作出改良，等我地每次都會有新既驚喜。我覺得同快活比，大家樂既咖喱係無咁多油，而且係好夠味既。快活既咖喱就真係唔好加辣，因為加辣就等於加油。