必勝客 (已結業)

話說星期六想食PIZZA，上網找最後得PIZZA BOX同PIZZA HUT，工友話記得PIZZA BOX有過不愉快經歷，最後都係PIZZA HUT穩陣﹗叫左個星期一至日套餐PIZZA選了錦繡大會、小食就要左繁星雞塊拼魚圈，再加多個菠菜雞皇意粉，好鬼多野食﹗先要讚一樣野就係我打完電話之後二十分鐘個速遞員已經企左0係門口，真係估唔到咁快，尤記得當年點完之後成個鐘都未有得食打去三吹四請先到達，呢個高速既服務真係好左好多﹗個小食繁星雞塊0個粒星講真佢唔講我都唔知佢係雞來﹗不過唔知點解食家十分喜愛，工友完一件又一件，仲話幾好味添﹗意粉食落好香忌廉味，雞肉都幾多仲好滑添，味道不錯呀﹗加多左十五蚊要左個田園沙律，我自己成個食哂，又多菠蘿又多粟米，兩樣都係我的最愛呢﹗好味道﹗主角PIZZA要左薄批，夠脆又夠熱﹗咬落芝士仲係好鬆軟的，一點也不像是外賣食物﹗好滿意﹗埋單$164，一人八十蚊左右，唔算太貴吧﹗食得很飽呢﹗PIZZA HUT好似0的食物好了很多，可能最緊要的根本問題都係新鮮，新鮮就咩都好食﹗