潮東廊

營業中

休息中

我就住東涌嘅，東涌無野食就係人都知，但有時唔想煮飯都會去附近去食。潮東廊前身為東城，以前真係請都唔會去，牛腩麵果啲食親都會肚痛，好幾次食炒粉30秒就整好，感覺上好求其。但裝修左改左名後，改善左好多，地方乾淨企理，同埋唔知係咪換左廚師呢？餐牌款式多元化左，多左麻辣系列，有一個薑蔥雞都唔錯架。天氣凍左今次就試左羊腩煲，汁料不錯但唔夠味，如果花椒八角味香濃啲就好，但都還不錯，羊腩夠淋，很好下飯最近見佢出左麻辣雞煲，下次有機會都想試下。 今次我俾6/10，都會再黎食下。