影片
更多
2020-11-29
2138 瀏覽
2020年11月25日 星期三之前曾經同屋企人嚟過呢一間餐廳食飯，但係感覺好一般，所以之後都冇再嚟不過今日經過嘅時候見到好多人排隊，見到店員做到冇停手，心諗應該食物唔錯先會咁多人，於是決定再俾多次機會嘗試一下入到去坐低睇見餐牌先發現有好多嘢食，就連鐵扒套餐都可以午市供應，價錢都算可以接受點餐方法可以掃二維碼自助落單，都幾方便，唔會好似以前咁需要等好耐先搵到侍應點餐我叫咗餐廳嘅精選乾炒牛河，大約15分鐘就送到，熱辣辣好似好夠鑊氣，而且睇落去份量都唔少，食落去調味係足夠嘅，芝麻令到成碟餸更加香。另外牛肉好腍，都幾有牛肉味，最重要係食完之後唔覺得口渴至於朋友就要左白汁粟米焗魚柳意粉，上面鋪咗一層滿滿嘅芝士，夾上嚟嘅時候有少少拉絲，同魚柳好配合，而且意粉吸收晒白汁嘅味道，所以見到朋友食得好滋味另外我地叫左一碟油菜，都幾新鮮，唔會煮得太老同黃呢一個叫金記三文治，睇得出落咗好多料，冇諗到除咗午餐肉之外仲有煙肉，炒蛋好厚身，一啖真係咬唔晒，整體味道好平衡最後仲每人一杯紅豆冰，超級多紅豆，差唔多有半杯，飲落去好夠味，係幸福嘅感覺每人大約百幾蚊已經飽住個肚走，真心今次覺得有驚喜，期望下一次再幫襯
之前曾經同屋企人嚟過呢一間餐廳食飯，但係感覺好一般，所以之後都冇再嚟
不過今日經過嘅時候見到好多人排隊，見到店員做到冇停手，心諗應該食物唔錯先會咁多人，於是決定再俾多次機會嘗試一下
入到去坐低睇見餐牌先發現有好多嘢食，就連鐵扒套餐都可以午市供應，價錢都算可以接受
點餐方法可以掃二維碼自助落單，都幾方便，唔會好似以前咁需要等好耐先搵到侍應點餐
我叫咗餐廳嘅精選乾炒牛河，大約15分鐘就送到，熱辣辣好似好夠鑊氣，而且睇落去份量都唔少，食落去調味係足夠嘅，芝麻令到成碟餸更加香。另外牛肉好腍，都幾有牛肉味，最重要係食完之後唔覺得口渴
至於朋友就要左白汁粟米焗魚柳意粉，上面鋪咗一層滿滿嘅芝士，夾上嚟嘅時候有少少拉絲，同魚柳好配合，而且意粉吸收晒白汁嘅味道，所以見到朋友食得好滋味
另外我地叫左一碟油菜，都幾新鮮，唔會煮得太老同黃
呢一個叫金記三文治，睇得出落咗好多料，冇諗到除咗午餐肉之外仲有煙肉，炒蛋好厚身，一啖真係咬唔晒，整體味道好平衡
最後仲每人一杯紅豆冰，超級多紅豆，差唔多有半杯，飲落去好夠味，係幸福嘅感覺
每人大約百幾蚊已經飽住個肚走，真心今次覺得有驚喜，期望下一次再幫襯
張貼
