新南苑雞煲小菜點心 (已結業)

店內空間乾淨舒適，地方大小中等，夜晚去可以剛好容納所有客人，無需等待。餐牌選擇眾多，川菜、煲仔、小菜、海鮮等等，係日常晚餐嘅唔錯選擇。椒鹽鮮魷 $88雖然唔係大排檔，但食落意外地好香口好有鑊氣，魷魚新鮮口感煙韌，配搭喼汁十分合適，加上少少炸蒜蓉口感豐富，味道十足。XO醬西蘭花炒帶子 $88帶子大大隻好新鮮，烹調時間剛好，搭配韭黃、辣椒、蝦米乾等等配料，帶出帶子鮮味。西蘭花翠綠，軟硬適中，同帶子一齊係完美嘅配搭，醬汁調味充分帶出食材味道。蒜蓉粉絲蒸蟶子 $48/per店員推薦是日海鮮，原來係限量版蟶子，食落有驚喜，非常新鮮，蒸嘅時間亦啱啱好，咬感煙韌，蒜蓉醬汁超級入味，加上粉絲充分吸收鮮味，配飯食一流。