強記乳鴿1983

營業中

休息中

今日放工同豬先生行左去河畔花園食晚飯，想食廣東菜既豬師奶揀左衣間中式酒樓。雖然佢出名乳鴿，不過想食小菜既我就揀左砂鍋芥蘭炒豬頸肉同秘製海珊骨。海珊骨聽落唔知咩尼，其實係炸排骨，落左南乳醬。睇餐排見係豬肉但唔知原來佢係炸既，一上菜其實有五六件都係炸肥豬肉，想減肥既你地可能要唸唸。豬先生都覺得冇乜特別，而且真係太唔健康，食淨兩三件冇食。相反個砂鍋芥蘭炒豬頸肉就好有鑊氣，賣相好吸引，而且好好食，唔會太油太咸，送飯一流。叫左兩個白飯，份量岩岩好，晚飯會收加一同茶芥。