麺匠 真武咲弥 (已搬遷) 新店位置

炙熱味噌拉麵 $88之前已經聽聞過春園街新開左間打住正宗北海道風味的味噌拉麵店，剛巧今晚一人路經春園街，就入去試探一下虛實。麵店只賣三種口味拉麵，第一次食當然試number 1 銷量的炙熱味噌拉麵。店內有半開放式廚房，日本女廚師的廚藝一目了然，每碗湯底即叫即炒，先放油，後放芽菜，再放味噌，拋一拋鑊，用大排檔小炒式爆香配料，廚房頓時升起熊熊烈火！炙熱味噌拉麵，有荀片，一塊叉燒，叉燒上有薑蓉，再配上芽菜，大蔥。拉麵一上枱，指定動作飲啖湯先，初時以為是普通味噌湯的味道，嘩！！！好好味呀，湯頭非常惹味，咸淡適中，有鑊氣果度串，我咁大個仔都未食過咁好味的，再食面，面質彈牙，一路食一路覺得此湯只應天上有，再望一望那火之藝術女廚師，忍不住對佢直豎姆指，佢又含羞答答的報以多謝的微笑，有意思，有意思！叉燒肥瘦適中，再配搭薑蓉同吃，又是神來之筆！最後以依依不捨的心情去喝下最後一啖湯，如果個碗食得的話我做我會食埋！都係果句，把湯一飲而盡這是對一碗拉麵的尊重吧！それはそれのためにラーメンについてのスープボウル排水しました！