新偉記風味小廚

營業中

休息中

今日收工，入去搵個老友食晚飯，朋友介紹偉記話唔錯，好啦，咁就試下啦！去到之後，可能都差唔多10點啦，唔係好多客人，咁我地就叫左幾款菜式啦！首先係西湖牛肉羹，好大碗，而且非常足料，裡面好香莞茜味道，重有牛肉，豆腐，香菇等材料，師傅落生粉水嘅份量剛剛好，有口感，唔會好似食緊d汁咁樣，非常滿意。之後就係炒蜆啦，豉椒炒，又係大大碟，粒粒蜆都有肉，唔會得個殼，另外味道好惹味，最衰揸車，如果唔係就一定整返2支啤酒。之後就係蒜香炒油麥菜，又係大大蝶，炒菜好有鑊氣，味道調得好好，抵食。最後就係，咕嚕肉，師傅用左豬扒去整，但係豬扒就走油炸到較為乾身，硬左d，e個餸就差少少啦，但係個味道都係唔錯呀！之後就埋單離開啦！幾好唔錯。