影片
更多
2023-05-05
3742 瀏覽
港式小炒最緊要有鑊氣，今次呢間餐廳係樓上鋪，同大排檔差唔多，座位就闊落得多，坐得都算幾舒服！菜式選擇多而且價錢親民，大部份菜式都唔使$100一碟，好抵食！佢有傳統嘅港式小炒，仲有雞煲、烤魚、乾鍋呢啲川菜可以叫㗎～平日夜晚個場都幾爆，如果多人嚟食嘅話，可以book間房，咁就唔使等位又可以有多少少私人空間！------------------------------🐖◖冰梅欖角骨+啤酒◗ $88+$20有六塊一字排骨，大大塊啖啖肉，用咗梅汁同黑欖角調味，梅汁好濃稠，排骨表面沾滿晒汁，味道酸酸甜甜，加埋欖角碎香味好特別！佢呢個菜式仲可以加多$20轉啤酒套餐，叫埋支大藍妹啤酒啤一啤佢！🍻🦪◖酥炸珍珠蠔◗ $88 珍珠蠔肉唔會好細粒，外皮炸得好酥脆，食得到蠔肉嘅鮮味，點埋個香醋，令蠔肉鮮味更出，亦可以去除油膩感！🐟◖薑蔥魚腩煲◗ $78魚腩大大塊唔會好多骨，份量都唔少，魚肉好嫩滑，外皮稍微煎過幾香脆，魚肉經過薑同蔥爆香過，再搭埋蔥一齊食，好香好惹味！🌶️◖土匪豬肝◗ $88呢個土匪有勁多辣椒乾同蔥，有啲似辣子雞嘅感覺，食落都幾辣，豬肝係粉肝，口感偏軟綿，唔係爽脆口感，切得幾厚幾大塊，豬肝預先腌制過
平日夜晚個場都幾爆，如果多人嚟食嘅話，可以book間房，咁就唔使等位又可以有多少少私人空間！
------------------------------
🐖◖冰梅欖角骨+啤酒◗ $88+$20
有六塊一字排骨，大大塊啖啖肉，用咗梅汁同黑欖角調味，梅汁好濃稠，排骨表面沾滿晒汁，味道酸酸甜甜，加埋欖角碎香味好特別！佢呢個菜式仲可以加多$20轉啤酒套餐，叫埋支大藍妹啤酒啤一啤佢！🍻
🦪◖酥炸珍珠蠔◗ $88
珍珠蠔肉唔會好細粒，外皮炸得好酥脆，食得到蠔肉嘅鮮味，點埋個香醋，令蠔肉鮮味更出，亦可以去除油膩感！
🐟◖薑蔥魚腩煲◗ $78
魚腩大大塊唔會好多骨，份量都唔少，魚肉好嫩滑，外皮稍微煎過幾香脆，魚肉經過薑同蔥爆香過，再搭埋蔥一齊食，好香好惹味！
🌶️◖土匪豬肝◗ $88
呢個土匪有勁多辣椒乾同蔥，有啲似辣子雞嘅感覺，食落都幾辣，豬肝係粉肝，口感偏軟綿，唔係爽脆口感，切得幾厚幾大塊，豬肝預先腌制過好入味！
🍖◖孜然手抓骨◗ $38/枝
手抓骨食落似豬髀骨，表面撒滿孜然粉，唔算好大支，但勝在全塊都係肉，口感軟腍，然後會有啲筋膜位置，有啲口感，但略嫌唔太入味～
🥬◖涼拌萵筍絲◗ $42
用咗麻油去拌萵筍絲，麻油香味好出，口感爽脆清甜～
🌟 Encore指數：9/10
張貼
