滿屋日本料理 (大鴻輝(荃灣)中心) (已結業)

今日勁想食放題，同行嘅朋友二話不說就話大鴻輝有間幾正嘅放題，於是上去試吓，好彩唔使排隊就可以即入，店員叫我地選擇邊款放題餐，佢total有4個餐，貪心樣樣想食嘅我，就決定最多款式嘅餐。佢地同其他放題店一樣有汽水，酒，冷盤同甜品喺出面任攞。用QR code落單，入面真係勁多款式選擇，我係海膽控當然勁叫海膽系列嘅食物啦，d海膽勁新鮮，好鮮甜，d創作壽司都幾特別，最特別係有鮑魚軍艦，仲有長腳蟹，d蟹腳都幾大隻，食落好重海水味，中拖羅都有，其他燒物同炸物都好好食，全部熱辣辣，而熱盤都幾多，我地就叫咗麻辣小龍蝦，勁惹味，都幾大隻，最後每人一杯movenpick做結尾，非常滿足。