影片
更多
2022-09-11
2082 瀏覽
成餐飯都係麻麻多於好食牛肉蔥卷有驚喜日式蛋卷太水太散，一夾就碎哂，明明呢啲係最簡單嘅嘢，仲要佢放低時其實個碟底已經成碟水魚生飯個飯幾好味，但所有魚生都係室溫，好似已經放咗出黎好耐咁海膽都鮮，但又係室溫其他炒拉麵、野菜、天婦羅都係過得去，一般般最差係炸軟殼蟹！$68，上枱得半隻！仲要碎哂，啲腳斷哂出黎軟殼蟹本身都已經唔係大隻，仲要雜碎咁，佢放上枱我以為係隔離檯食淨拎過黎，嗰種溶溶爛爛嘅程度！四個人食，每人都食唔到一件身，得幾條牙籤咁幼嘅腳，痴線！然後到埋單，原來我地一坐低乜都未叫時，個職員9秒9放低一人一碟嘅豉油蓮藕，係要收錢，仲收$23一碟，4碟$92！你呢啲收費前菜真係咁有必要一人一碟？仲要唔話我知原來收錢，酒樓啲花生茶芥都係成檯一碟啦！一見到個頂寫前菜4個咁收費，啲嘢好唔好食，成個感覺都勁差！仲要有啲人其實係唔食蓮藕，唔知你要收錢，由得你擺低，人地推埋一邊冇食，白白俾你屈多$23，仲要加一！講真我哋入去坐低時，見到角落頭坐咗一家四口，兩個小朋友就係將啲蓮藕推埋一邊唔食。就算話日本人開，都冇下次！你整到為每人屈多$23，兼上啲雜碎食淨咁款嘅軟殼蟹，俾你呃咗一次，感覺咁差，點會再有下次
牛肉蔥卷有驚喜
日式蛋卷太水太散，一夾就碎哂，明明呢啲係最簡單嘅嘢，仲要佢放低時其實個碟底已經成碟水
魚生飯個飯幾好味，但所有魚生都係室溫，好似已經放咗出黎好耐咁
海膽都鮮，但又係室溫
其他炒拉麵、野菜、天婦羅都係過得去，一般般
最差係炸軟殼蟹！$68，上枱得半隻！
仲要碎哂，啲腳斷哂出黎
軟殼蟹本身都已經唔係大隻，仲要雜碎咁，佢放上枱我以為係隔離檯食淨拎過黎，嗰種溶溶爛爛嘅程度！
四個人食，每人都食唔到一件身，得幾條牙籤咁幼嘅腳，痴線！
然後到埋單，原來我地一坐低乜都未叫時，個職員9秒9放低一人一碟嘅豉油蓮藕，係要收錢，仲收$23一碟，4碟$92！
你呢啲收費前菜真係咁有必要一人一碟？仲要唔話我知原來收錢，酒樓啲花生茶芥都係成檯一碟啦！一見到個頂寫前菜4個咁收費，啲嘢好唔好食，成個感覺都勁差！
仲要有啲人其實係唔食蓮藕，唔知你要收錢，由得你擺低，人地推埋一邊冇食，白白俾你屈多$23，仲要加一！
講真我哋入去坐低時，見到角落頭坐咗一家四口，兩個小朋友就係將啲蓮藕推埋一邊唔食。
就算話日本人開，都冇下次！
你整到為每人屈多$23，兼上啲雜碎食淨咁款嘅軟殼蟹，俾你呃咗一次，感覺咁差，點會再有下次？！
張貼