擂台

營業中

休息中

最近都會去一啲酒吧餐廳，今日知道呢度有一個電競比賽所以專登上咗嚟，玩緊呢排最興起嘅第五人格，成班年輕人玩到好肉緊， 評述員帶動氣氛真係好。呢度嘅日式廣島蠔，一共有五隻，好新鮮好creamy，多汁而且夠厚身，點埋大量嘅沙律醬，更加鮮甜美味。仲有鮮茄三文魚pizza，Pizza都有三至四厘米厚，三文魚好大覆蓋整塊pizza，中間仲有芝士，焗得少少金黃色，加上番茄同雜菌，口感好豐富，真的不錯。黑松露炒雜菇好大陣黑松露味，加上牛油一起炒更加香濃，黑松露有益有營養，配上雜菌是一個很好的配搭，而且份量算多，足夠幾人一起享用。另外叫埋北海道帶子刺身配黑松露忌廉意粉，意粉表面有一些辣椒絲，忌廉好滑溜，吃到成咀都係忌廉，帶子刺身半熟狀態，仲有好豐富嘅黑松露添，味道真的很濃郁。大概每人食咗$120結帳，都不錯。