影片
更多
2023-03-02
1242 瀏覽
儀式感滿滿嘅我，咩都鍾意慶祝一餐💕難得老公又奉陪到底一於出去撐枱腳，揀間環境浪漫嘅餐廳，今晚談戀愛🌹Premium Dinner Set for 2 $798Welcome Drink : Sparking Wine 飲少少酒，我地傾計都放鬆啲🥂帶點熱帶水果味，易入口，都幾chill煙燻三文魚蟹肉四件厚切三文魚刺身被略略煙燻過，三文魚籽同魚子醬都比較濃味，蟹肉沙律就清清地，比較特別嘅係加左荔枝味嘅爆珠，令整個感覺更加清新開胃Stone Fruit Salad 🥗 我非常鍾意，因為入面有好多菜同埋生果🍎有我最愛嘅無花果、車厘子、提子、蘋果、水蜜桃etc.巴馬火腿除咗配蜜瓜，配其他水果其實都幾夾！簡單意大利黑醋調味就已經好好食蘑菇cappuccino 呢個湯嘅味道比較淡，好在旁邊有岩鹽同黑椒自己調味！面頭嘅奶泡，再加埋用咖啡杯飲，真係好似飲緊cappuccino 😂海膽三文魚子竹炭烏冬勁Creamy，海膽鮮甜，烏冬煙韌，好味😋龍蝦米多開邊龍蝦面頭佈滿芝士，仲有粒粒牛肝菌，龍蝦起晒肉，好方便！肉質都幾爽口，蝦頭有蝦膏，而且多肉😋唔錯朱古力心太軟配雲呢拿雪糕今次係雪糕有驚喜，奶味比較重，非常香
一於出去撐枱腳，揀間環境浪漫嘅餐廳，今晚談戀愛🌹
Premium Dinner Set for 2 $798
Welcome Drink : Sparking Wine
飲少少酒，我地傾計都放鬆啲🥂帶點熱帶水果味，易入口，都幾chill
煙燻三文魚蟹肉
四件厚切三文魚刺身被略略煙燻過，三文魚籽同魚子醬都比較濃味，蟹肉沙律就清清地，比較特別嘅係加左荔枝味嘅爆珠，令整個感覺更加清新開胃
Stone Fruit Salad 🥗
我非常鍾意，因為入面有好多菜同埋生果🍎有我最愛嘅無花果、車厘子、提子、蘋果、水蜜桃etc.
巴馬火腿除咗配蜜瓜，配其他水果其實都幾夾！簡單意大利黑醋調味就已經好好食
蘑菇cappuccino
呢個湯嘅味道比較淡，好在旁邊有岩鹽同黑椒自己調味！面頭嘅奶泡，再加埋用咖啡杯飲，真係好似飲緊cappuccino 😂
海膽三文魚子竹炭烏冬
勁Creamy，海膽鮮甜，烏冬煙韌，好味😋
龍蝦米多
開邊龍蝦面頭佈滿芝士，仲有粒粒牛肝菌，龍蝦起晒肉，好方便！肉質都幾爽口，蝦頭有蝦膏，而且多肉😋唔錯
朱古力心太軟配雲呢拿雪糕
今次係雪糕有驚喜，奶味比較重，非常香滑！真係好香滑😋（要講兩次） 朱古力心太軟就正常發揮啦
餐茶：熱檸水、凍檸茶
都係正常啦！
成餐飯都食得好開心😆環境靚，呢個天氣最舒服，飲少少酒個人又放鬆啲，食物味道好好，高質！非常豐富😍幾時再慶祝呀？😂
張貼
