新志興至尊燒鵝大王

營業中

休息中

豬肚雞燒賣出面真係好少地方有得食，印象中只有上環嗰間老牌酒家先至有。呢度個豬肚燒賣嘅豬肚、雞肉同埋冬菇都好味道，見豬肚好大件，冬菇都幾厚身。乾蒸牛肉又係出面好少地方有得食，呢間嘅乾蒸牛肉做得唔錯，牛肉真係有牛肉味。黑白糯米包仲以為有乜嘢刁鑽嘢，其實佢只係糯米包入面除咗普通糯米仲有黑糯米。味道還可以，因為覺得個糯米唔夠香，另外塊燒賣皮又包唔晒個糯米包，佢個底係穿窿嘅。蝦腸入面啲蝦有啲霉，真係失望。不過佢個腸粉係做得唔錯，衰係衰喺啲餡料度。總括而言，呢間酒家夠晒風味，不過食物味道就一般般。