原居民 (已結業)

與朋友密會，想搵間方便舒服，價錢又合宜既weekend lunch, 搵左呢間star cafe, 個名叫原居民好特別。入到去好寬敞，坐位寬落，分得開，我最怕貼住隔離，呢度完全有私人空間既感覺。安座後，店員第一時間比了一個黑板餐牌喺空椅上，感覺有d似傳統西餐廳格局，隔一陣店員先走埋落order.我叫左燒羊架，$108頭盤有餐包，喺滿滿蒜蓉牛油的！而且鬆脆，每人兩塊, 好香。沙律係ham with green salad, 配黑醋汁，菜份量都多，都新鮮。主菜，係燒羊架，叫左7成熟，真係做到喎，微紅沒有血水，肉質都嫩，唔韌，亦唔蘇。配菜係炒什菜，甘荀粒，炸薯角。值得一提，炸薯角好鬆脆！甜品是我最愛，呢個薑汁梳乎里，剛焗出嚟，外面焦脆，內面鬆軟，而且portion好大。食落好有薑味，唔太甜，所以咁大都一樣食得落D配埋cream同vanila sauce (用vanila seeds架！有heart, 而且味道濃郁好多）]]整體好滿意，呢個價錢同地方，性價比高，又啱傾計。