阿土伯鹽水雞 (長沙灣廣場)

營業中

休息中

以前喺其他分店食開，今日來開呢邊，第一次喺呢間分店買，堂食位置都算多，不過好多枱食完嘢之後阿姐都冇執枱，買完攞返屋企食，路程20分鐘，而且因為本身買咗啲急凍食品擺咗落保溫袋，我買完之後成盒嘢都擺咗落保溫袋同啲急凍食品一齊放，所以應該唔會係返屋企途中令到雞肉有餿味，真係冇諗過雞肉有餿味，係好大浸餿味，買咗咁多次真係未試過，其他餸嘅味道係正常嘅，調味都係正常，只係雞肉唔新鮮囉！食到雞肉有餿味嘅時候已經全部掉咗，唔敢再食。阿姐態度一般般，佢哋好大聲咁傾偈好嘈，嘢飲正正常常唔算好特別，唔會再返去呢間幫襯㗎啦，有陰影！