丸·茶手作 (已結業)

台式飲品近年真係越嚟越受歡迎，各種唔同嘅台式飲品店開到成巷成市，要吸引客人真係需要唔同嘅特色，今日經過佐敦嘅"丸。茶手作"，見到佢哋以全球首創嘅桂花珍珠做賣點，心郁郁就想試下。就係因為呢個牌標榜"全球首創桂花珍珠"，吸引到我嚟買番杯。收銀處放咗各種唔同嘅珍珠，每款嘅顏色同味道都唔同，真係想每款都試下。最後我地揀咗桂花珍珠奶茶及熱嘅抹茶拿鐵。珍珠奶茶茶味香濃，桂花珍珠口感比一般珍珠煙韌，入口有淡淡嘅桂花味，為珍珠奶茶帶黎一種清新感覺。抹茶拿鐵綠茶味香濃，牛奶嫩滑，趁住今日天寒地凍，飲番杯真係暖意十足。下次有機會真係要試埋其他口味嘅珍珠呀。