影片
更多
2023-01-22
523 瀏覽
本人第一篇食評，如表達得不好，請見諒😃年三十，2點左右去到安蔭街市附近搵食由於成朝未食過野，所以想食啲飽肚嘅嘢。經過呢間餐廳門口，見到下午茶餐兩點開始，餐牌好似幾多選擇，價錢唔算貴，所以就決定入去試一試！一行二人，入面八成滿坐，自行揀位，坐左張四人枱，座位闊落，枱與枱之間唔會太迫，室內光線充足，是蠻不錯的！一坐低，服務員遞上兩杯熱水，頗貼心的！然後看看餐牌，有包類，有炸物，有炒粉麵，款式什多！好多餐廳既下午茶炒飯都係得幾款，但呢間嘅炒粉麵多達26款，只係炒飯都佔咗六款，對於有選擇困難症嘅我10分頭痛😆經過多重考慮，我決定選擇好少餐廳有得供應嘅廈門炒米，$40包熱飲，我叫咗熱檸茶。而太后就叫咗鹹魚雞粒炒飯，熱鴛鴦，同樣$40。過了3分鐘，餐飲送上，熱檸茶茶夠香夠熱，有啲似雀巢檸茶嘅味道，唯一扣分嘅係只有兩片檸檬🍋，如果有三片就好啦！而太后既熱鴛鴦，茶唔夠香，唔夠滑，整體一般！10分鐘後，太后嘅鹹魚雞粒炒飯送上，熱辣辣，聞就冇乜鹹魚味，食落就有，鹹魚粒唔算多，雞粒適中！炒飯唔會好乾，亦唔會好油！食得出係即炒！份量適中！算有下午茶嘅份量！太后表示滿意，有7分！過多5分鐘，我嘅廈門炒米終於都到
年三十，2點左右去到安蔭街市附近搵食
由於成朝未食過野，所以想食啲飽肚嘅嘢。
經過呢間餐廳門口，見到下午茶餐兩點開始，餐牌好似幾多選擇，價錢唔算貴，所以就決定入去試一試！
一行二人，入面八成滿坐，自行揀位，坐左張四人枱，座位闊落，枱與枱之間唔會太迫，室內光線充足，是蠻不錯的！
一坐低，服務員遞上兩杯熱水，頗貼心的！然後看看餐牌，有包類，有炸物，有炒粉麵，款式什多！
好多餐廳既下午茶炒飯都係得幾款，但呢間嘅炒粉麵多達26款，只係炒飯都佔咗六款，對於有選擇困難症嘅我10分頭痛😆
經過多重考慮，我決定選擇好少餐廳有得供應嘅廈門炒米，$40包熱飲，我叫咗熱檸茶。而太后就叫咗鹹魚雞粒炒飯，熱鴛鴦，同樣$40。
過了3分鐘，餐飲送上，熱檸茶茶夠香夠熱，有啲似雀巢檸茶嘅味道，唯一扣分嘅係只有兩片檸檬🍋，如果有三片就好啦！而太后既熱鴛鴦，茶唔夠香，唔夠滑，整體一般！
10分鐘後，太后嘅鹹魚雞粒炒飯送上，熱辣辣，聞就冇乜鹹魚味，食落就有，鹹魚粒唔算多，雞粒適中！炒飯唔會好乾，亦唔會好油！食得出係即炒！份量適中！算有下午茶嘅份量！太后表示滿意，有7分！
鹹魚雞粒炒飯，包熱飲
$40
37 瀏覽
0 讚好
0 留言
過多5分鐘，我嘅廈門炒米終於都到！又係即炒，熱辣辣，味道好啱我，唔會太甜，唔會太酸，最難得嘅係有酸瓜條，有種好傳統嘅感覺，並唔係一般用茄汁煮！配料都足夠，有三隻蝦仁，叉燒絲，蛋絲！好和味！😋😋😋我俾夠9分！
整體嚟講，會再幫襯！
張貼
