川味王

營業中

休息中

星期五晚去尖沙咀搵食，見到呢間鋪有位，仲聞到好香，所以同老公去試下。1. 厚切牛舌好正好正，好夠厚，又淋身，又有小小爽口，燒到剛剛好，有小小焦香，牛味好濃，仲有有成兩大塊，一致覺得係必食之選！2. 燒鮑魚鮑魚首先夠新鮮，已經冇得輸，仲要keep到爽口彈牙，一啲都唔"un"，而且有大量蒜蓉，好香好野味，必食之選第2位！3. 燒五花腩肉串肥瘦相間，好香豬味，最重要的係師傅手勢好好，燒到剛剛好，帶小小爽口，必食之選第三位！