雲南啊老表黑山羊湯鍋米綫 (上海街)

營業中

休息中

有日放工，心血來潮好想食米線，但係食嚟食去都係嗰啲間舖頭，行行吓去咗佐敦，見到佢間舖頭名咁得意嘅！又坐滿晒人，一於試吓啦！叫咗一個口水雞，一個拍青瓜，然後同朋友一人一碗米線，我哋兩個都係叫酸辣，雖然話係細碗，但係個碗嚟到我哋都嚇一跳，呢個價錢竟然做到咁嘅份量！抵讚！講返正題先～我叫咗個豬頸肉酸辣米線，佢嘅酸菜係雪菜，我鍾意！因為我唔太食得辣所以叫咗小辣，啱啱好！唔會搶咗個味！嫌唔夠辣咩，仲有成兜辣菜圃炒擺喺度 ，任你落！夠晒大方，朋友叫咗個牛羊酸辣米線，呢個都得值讚下，羊味唔會太蘇，牛又炆得夠淋！另外口水雞都好香口，鍾意食辣嘅你可能未必夠喉，不過麻個方面控制得好好～見到隔離兩台都叫餃子🥟下次一定要試吓！不過要預番啲時間等，見到寫住餃子係即叫即整！