影片
更多
2023-10-16
842 瀏覽
作為一個年輕人☺️我都好鐘意飲茶食點心。而喺上環至西環一帶又唔知點解咁多細細間嘅一盅兩件。今日嚟到上環搵食buddy嘅同事推介嘅新興發點心。網上search不難發現另一間，只差一個字嘅人氣點心店，而今日我哋食呢間好似無咁多人介紹過🤔中午食飯時間，店內坐滿人但不至於排隊，而大部分食客都有返咁上下年紀，似乎熟客為主🥸出乎意料之外，佢哋嘅生煎包好好食，有原隻爽口蝦仁混合豬肉，包身軟熟，不油膩👍👍蝦餃，外皮唔會蒸爛咗，蝦餃皮仲有少少煙韌，蝦肉鮮甜爽口（而家都比較少會食到）。燒賣都做得好好，豬肉嫩滑而唔會過實，比起各大連鎖品牌酒樓都要優勝！上湯腐皮卷原本無諗住介紹，但因為佢哋放咗魚肚去吸收上湯而加分，仲要魚肚處理得宜！無我怕怕嘅「膠」味。最近我食過嘅周記會話佢哋煎炸物好出色，而新興發蒸點心係一流！🥰
665 瀏覽
0 讚好
0 留言
出乎意料之外，佢哋嘅生煎包好好食，有原隻爽口蝦仁混合豬肉，包身軟熟，不油膩👍👍蝦餃，外皮唔會蒸爛咗，蝦餃皮仲有少少煙韌，蝦肉鮮甜爽口（而家都比較少會食到）。燒賣都做得好好，豬肉嫩滑而唔會過實，比起各大連鎖品牌酒樓都要優勝！上湯腐皮卷原本無諗住介紹，但因為佢哋放咗魚肚去吸收上湯而加分，仲要魚肚處理得宜！無我怕怕嘅「膠」味。最近我食過嘅周記會話佢哋煎炸物好出色，而新興發蒸點心係一流！🥰
張貼
