影片
更多
2018-11-06
247 瀏覽
同男友夜晚經過九龍城，10點幾唔知食乜好，見到呢間串燒店，就姑且試吓啦🤔 見佢啲嘢食普普通通，都係燒下雞翼，雞髀，矮瓜嗰啲，心諗都係唔好抱咁大期望😯 嗌咗佢嘅招牌12刀雞髀，一隻蜜糖雞翼，芝士西蘭花，一串豆卜丸，同個樣幾得意嘅菠蘿花花。原來雞髀係生燒，要等20分鐘，不過老闆好nice，同佢吹下水啲時間就好快過😂 可能因為雞髀係生燒，好鬼多汁好juicy🤤 皮又夠脆👍🏼👍🏼👍🏼 仲估唔到咁鬼大隻😱 差啲食唔落其他嘢😂 蜜糖雞翼又真係無得輸喎🤔 香脆可口😆 豆卜丸幾得意，入面啲汁識爆出嚟😗 本身好鍾意食菜，芝士配西蘭花又係好得👏🏼👏🏼👏🏼 最後我諗住影相自拍嘅菠蘿花花又甜又靚，睇得又食得喎😍😍😍 今次留下左幾好印象，都係一個食宵夜嘅好去處，雖然九龍城唔係好就腳，不過一定會再嚟幫襯😬
24 瀏覽
0 讚好
0 留言
張貼
