Dionysus (已結業)

呢間餐廳有2層，喺門口入去，已經覺得餐廳裝修幾華麗。一上到2樓，個環境好貴族feel，好多位可以打卡，好啱帶女朋友嚟食。仲要咁啱平日，果時2樓冇乜人，可以靜靜咁食個lunch。其實個lunch set 價錢比我想像中平民化好多，計計埋埋一般都唔過百五蚊。首先頭盤係華道夫沙律，以為冇咩特別，原來裡面除咗有蘋果同青蘋果之外仲有nuts ，食落個口感豐富咗，唔會咁寡。主菜係香煎西班牙豬柳配牛肝菌忌廉汁伴法式薯蓉，啲肉索哂啲汁，咬落好juicy，厚度啱啱好，一啲都唔韌，連配料蕃茄都係新鮮，好食。仲有個精選甜品，係柚子芝士蛋糕，柚子味重，但唔會搶哂芝士味，食落有層次感。另外staff嘅服務態度都好好。