湯•米 (已易手) 新餐廳

如果係一餐入面想食正餐之餘仲想嘆杯芝士奶蓋，就一定要揀湯米啦!!! 湯米係台式餐廳，主打係臭臭鍋，仲有唔同嘅台式飲品。今次都係試左午餐先，臭臭鍋就留返下次晚餐食啦!今次點左濃蕃茄湯底嘅手作牛肉麵，加12蚊就有一杯芝士金鳳茶王啦，好抵呀!!! 碗麵除咗有牛肉之外仲有好多蔬菜，非常豐富又健康，而且手作麵質非常彈牙，加埋濃郁嘅蕃茄湯底真係好好味!! 杯芝士奶蓋都好正呀，有濃濃嘅芝士鹹香味，估唔到加$12就可以享用到一杯咁有水準嘅芝士奶蓋，今餐真係非常滿足。