DJAPA (已結業)

約咗友人喺度食lunch， 見到lunch有兩個價錢，一個係包飲品但冇甜品，要另外加錢。另一個冇嘢飲但已經包括咗甜品。前菜係沙律，沙律帶少少麻醬味， 但係又酸酸地， 好開胃， 唔知係乜嘢菜但係唔澀口，好好食。到咗主菜都有side dishes, 我叫咗 seafood bento, 蝦仁配牛油飯，蝦仁有少許辣加胡椒味， 配菜有柚子味嘅碎帶子沙律，粟米粒同埋沙律菜。 全部都有驚喜，味道好清新。至於甜品應該係椰汁西米， 加上小小脆片，西米唔係煮得太冧，入口感覺ok呀。環境都舒服，樓底好高，枱同枱之間唔算太過密。