Bistro La Bon (已結業)

今日放假，同舊同事聚舊，佢哋話食過呢間餐廳唔錯，就決定咗地點🤩上到餐廳見係高檔嘅樣子，冷氣充足，頓生好感！Lunch set有大約有10個餐左右，我竟然忘記咗影餐牌😭餐湯，係薯仔忌廉湯，配以長麵包條食不錯👍雜菜沙律🥗舊同事點嘅海鮮意大利飯$118。我同另一個舊同事都點咗呢款羊肉飯$108。完全忘記咗咩名🤣但記得係好好味，因為羊肉炆得好腍，又唔會有好羶嘅感覺，印象中醬汁有啲酒味，係典型紅酒燴嘅感覺🤤醬汁好多，拌飯真係令人胃口大開！餐飲凍咖啡，飲咗半杯好好味！驚覺忘記咗影相🤣舊同事出示員工證仲有9折，平均每位$100，有呢個食物質素，價錢相對都算物有所值☺️