影片
更多
2021-09-15
345 瀏覽
入到餐廳見到環境幾闊落， 仲有4張tatami 位望住成個尖沙咀，裝修都好日本，感覺好舒服。食物上主要食燒肉，都有少少飯、麵類嘅選擇。燒肉可以散叫、亦可叫set，我地今次叫咗omakase set ，每位$699，有酒精同無酒精飲品都係任飲嘅。餐牌嘅肉類會每次唔同，職員都有主動講返有d 咩唔同，今次我地每碟肉都係牛嘅唔同部位，唔食牛肉嘅朋友仔食前建議打黎問吓。首先就有韓國嘅伴餐黎，有兩種泡菜、青瓜同芽菜，仲有一盆大沙律，再加一碟牛肉他他加紫菜。呢碟生牛肉同我地平時去韓國食嘅好唔同，佢嘅油脂分布多d 同好平均，加上生雞蛋同紫菜一齊食，入口即溶又唔油膩。我地叫咗兩杯炭酸系嘅飲品，檸檬汽酒同沖繩菠蘿汽酒，我覺得菠蘿味嘅好飲d。我地食哂d 生牛肉之後，我地就食火炙和牛壽司🍣，配上即磨山葵，又係入口即溶。食完咁正嘅頭盤之後，主食就黎啦，就係一碟和牛橫膈膜，一碟紫菜芝麻葉海膽，職員教我地用爐將牛輕輕燒到半生熟，再放落海膽一口食哂，哇哇哇，嗰個口感同味道非常豐富，最後湧出芝麻葉嘅味道。再黎就係特上牛舌同黑毛和牛牛柳，職員好細心介紹點燒同要襯邊隻特備醬汁。呢度嘅牛舌係厚切同比較大塊嘅，所以燒嘅時間會比
食物上主要食燒肉，都有少少飯、麵類嘅選擇。燒肉可以散叫、亦可叫set，我地今次叫咗omakase set ，每位$699，有酒精同無酒精飲品都係任飲嘅。餐牌嘅肉類會每次唔同，職員都有主動講返有d 咩唔同，今次我地每碟肉都係牛嘅唔同部位，唔食牛肉嘅朋友仔食前建議打黎問吓。
首先就有韓國嘅伴餐黎，有兩種泡菜、青瓜同芽菜，仲有一盆大沙律，再加一碟牛肉他他加紫菜。呢碟生牛肉同我地平時去韓國食嘅好唔同，佢嘅油脂分布多d 同好平均，加上生雞蛋同紫菜一齊食，入口即溶又唔油膩。我地叫咗兩杯炭酸系嘅飲品，檸檬汽酒同
沖繩菠蘿汽酒，我覺得菠蘿味嘅好飲d。
我地食哂d 生牛肉之後，我地就食火炙和牛壽司🍣，配上即磨山葵，又係入口即溶。
食完咁正嘅頭盤之後，主食就黎啦，就係一碟和牛橫膈膜，一碟紫菜芝麻葉海膽，職員教我地用爐將牛輕輕燒到半生熟，再放落海膽一口食哂，哇哇哇，嗰個口感同味道非常豐富，最後湧出芝麻葉嘅味道。
再黎就係特上牛舌同黑毛和牛牛柳，職員好細心介紹點燒同要襯邊隻特備醬汁。呢度嘅牛舌係厚切同比較大塊嘅，所以燒嘅時間會比較耐，但係燒到差唔多全熟都唔會韌。牛柳一碟都有6-7塊，每塊中間都有少少脂肪，燒嘅時候比較容易熟，食落口肉汁豐富，好重牛肉嘅香味。
之後，就到海膽甲羅燒、兩碗生蛋拌飯、加一碗大根漬物出場，職員會幫手燒個甲羅燒，燒嘅時候佢叫我地食住個大根先，大根係用咗柚子醬做涼拌，相信係比我地去油膩感。職員落咗少少黑松露豉油落我地個飯到，叫我地將生蛋同岩岩燒完嘅蟹膏海膽撈埋一齊食，我覺得呢個同出面日本餐廳食嘅質素差唔多，冇咩特別大驚喜，個豉油冇咩黑松露味。
其實我地都已經好飽啦，原來個餐仲有個一口冷麵，我地快快手食完，再食雪糕。
總括嚟講，職員服務態度好好，環境裝修得簡潔，食物質素高上，好值得再黎，個日眼見好多人都慶祝生日，絕對係一個慶祝嘅好地方。咁多樣食物，我最鍾意食牛柳肉😄
張貼
