影片
更多
2021-08-20
642 瀏覽
放假入嚟大嶼山探朋友，朋友帶我哋去食呢間隱世韓國菜。平時去開呢邊都係行outlet，好少留意outlet以外嘅餐廳。呢間餐廳嘅位置喺纜車站附近，我哋大約7:30嚟到，成間餐廳坐滿左九成，唔使等位真係好好彩！由於我哋唔太肚餓，所以都只係食咗一啲輕食，我哋食咗韓國人蔘雞湯同埋韓式紫菜飯卷。實不相瞞，其實我第一次食人蔘雞湯，原來真係好好味呀！隻雞煲得好淋，一夾就散開，成碗湯好重酒味同人參味，隻雞裏面啲飯都好淋，完全索晒隻雞嘅精華，如果冬天食會更加幸福！之後到韓國壽司卷，份量都幾多，一碟有11件，有紅蘿蔔、菠菜、肉、蛋做餡料，口感好豐富好多層次，不過唔夠麻油香味，如果再落重啲麻油就好啦！整體黎講，今餐完全係經濟實惠又好味，而且老闆好似都係韓國人，夠晒地道！下次想試吓燒肉，隔離枱燒得好香呢！
由於我哋唔太肚餓，所以都只係食咗一啲輕食，我哋食咗韓國人蔘雞湯同埋韓式紫菜飯卷。實不相瞞，其實我第一次食人蔘雞湯，原來真係好好味呀！隻雞煲得好淋，一夾就散開，成碗湯好重酒味同人參味，隻雞裏面啲飯都好淋，完全索晒隻雞嘅精華，如果冬天食會更加幸福！
之後到韓國壽司卷，份量都幾多，一碟有11件，有紅蘿蔔、菠菜、肉、蛋做餡料，口感好豐富好多層次，不過唔夠麻油香味，如果再落重啲麻油就好啦！
整體黎講，今餐完全係經濟實惠又好味，而且老闆好似都係韓國人，夠晒地道！下次想試吓燒肉，隔離枱燒得好香呢！
張貼
