影片
更多
2024-10-16
451 瀏覽
Daap 餐廳以綠、白兩色為主調，座位更以吧枱為主，座位都坐得令人舒服，而且仲可以欣賞廚師做煮食，欣賞到主廚煮前菜、湯、主食、小食、甜品等，尤其是當廚師用開火槍來煮食，就好似睇精彩表演，亦係打卡嘅靚景。這間餐廳主打嘅食物係Brunch和Semi Fine Dining，連合埋多國風味及中西食材，真係有創意有特色。花膠配泰式乳酪紅油醬前菜嘅花膠配泰式乳酪紅油醬非常有特色，花膠先上枱，其後店員就攞醬汁來擺上花膠，立即就聞到好香醬汁嘅味道，個醬汁係泰式乳酪紅油醬，紅油只有少少辣，味道都有啲似冬陰功，真係好特別嘅味道，配合爽滑嘅花膠，食落開胃一流，我哋都將啲醬汁當湯咁飲晒。烤栗子湯配羊肚菌栗子味烤得非常有香味，令到啲湯味道香甜濃郁， 仲加上浸煙燻嘅香味，每啖都飲出精華味道，亦都飲得開胃，入口又順滑，連埋煎得脆卜卜嘅羊肚菌，配湯後就半脆半腍，連埋湯嘅香味，食落都好香好有咬口，令口感一流，我哋又係好快就飲完，真係飲完好想再繼續飲。臘腸卡邦尼手工意粉上枱前廚師會用火槍燒一燒，我哋即刻打卡影相，燒完就聞到滿滿嘅濃郁芝士同煙燻香味，隻半熟温泉蛋面亦燒到香脆，厚闊嘅意粉係手工自製，好有厚度同煙韌，入口時每
餐廳以綠、白兩色為主調，座位更以吧枱為主，座位都坐得令人舒服，而且仲可以欣賞廚師做煮食，欣賞到主廚煮前菜、湯、主食、小食、甜品等，尤其是當廚師用開火槍來煮食，就好似睇精彩表演，亦係打卡嘅靚景。這間餐廳主打嘅食物係Brunch和Semi Fine Dining，連合埋多國風味及中西食材，真係有創意有特色。
花膠配泰式乳酪紅油醬
前菜嘅花膠配泰式乳酪紅油醬非常有特色，花膠先上枱，其後店員就攞醬汁來擺上花膠，立即就聞到好香醬汁嘅味道，個醬汁係泰式乳酪紅油醬，紅油只有少少辣，味道都有啲似冬陰功，真係好特別嘅味道，配合爽滑嘅花膠，食落開胃一流，我哋都將啲醬汁當湯咁飲晒。
烤栗子湯配羊肚菌
栗子味烤得非常有香味，令到啲湯味道香甜濃郁， 仲加上浸煙燻嘅香味，每啖都飲出精華味道，亦都飲得開胃，入口又順滑，連埋煎得脆卜卜嘅羊肚菌，配湯後就半脆半腍，連埋湯嘅香味，食落都好香好有咬口，令口感一流，我哋又係好快就飲完，真係飲完好想再繼續飲。
臘腸卡邦尼手工意粉
上枱前廚師會用火槍燒一燒，我哋即刻打卡影相，燒完就聞到滿滿嘅濃郁芝士同煙燻香味，隻半熟温泉蛋面亦燒到香脆，厚闊嘅意粉係手工自製，好有厚度同煙韌，入口時每條意粉都掛滿卡邦尼汁，加上臘腸粒同香茅，鹹鹹香香之餘，又感覺甜甜哋，亦有咬口，又係好特色嘅意粉味道，好味道好食。
紅蝦燒賣
燒賣大大粒，皮薄餡靚，蝦肉嫩滑爽口，每一口都吃到滿滿的蝦肉，更帶有蝦油香味，再配搭自家製嘅醬油來食，食落鮮美好味，同其他燒賣嘅食法好食好多，真係不錯。
自家製酸種菠蘿包配港式奶茶雪糕
又係一個好有創意特色嘅甜品，一個焗到脆卜卜嘅菠蘿包，再夾住港式奶茶味嘅雪糕，港式奶茶味好香濃，亦好有經典懷舊嘅味道，菠蘿包帶發酵酸味，菠蘿包皮夠脆夠香，真係令人回味無窮。
這間餐廳好值得推薦俾大家，真係好味好食，價錢又唔貴，食物質素高，店員服務態度好，又令人食得滿意，我哋下次都會再來食。
張貼
