影片
更多
2023-12-01
22 瀏覽
有咗屯馬線，去新蒲崗變得好方便。今次嚟到海膽仔，喺鑽石山站行10分鐘即到。餐廳唔算好大，但光線充足，加上日式嘅裝修，整個環境都好舒適。呢度食目種類好多，由最基本嘅 壽司、刺身、熱食、串燒到生蠔都有。唔同口味嘅朋友都一定有嘢啱食。壽司方面，叫咗壽司拼盤同牛油果軟殼蟹卷。壽司拼盤嘅三文魚腩壽司極肥美，油脂分布平均，入口即化又夠油香，正！帶子同海膽都十分鮮甜。牛油果軟殼蟹卷，軟殼蟹脆卜卜又香口，加埋軟滑嘅牛油果，感覺清新。之後加兩串串燒。先嚟燒雞皮串，勁脆！一啲肥膩感都冇，感覺似食薯片，配啤酒一流！煙肉車厘茄串，車厘茄勁大粒，而且又甜又juicy，一咬爆汁，唔錯！再嚟兩個熱食。野菜牛肉鍋(可配烏冬)，牛味濃，肉質鮮嫩，仲有大量蔬菜及菇類。鍋物用上幼身稻庭烏冬，口感適中，唔會因為浸住湯而變得過腍。而且用幼身烏冬，感覺冇咁heavy。食到呢度已經好飽，但忍唔住想試吓佢個西京燒銀鱈魚。鱈魚肉質鮮嫩，而唔係用雪到死實嘅魚扒。魚煎得夠香但冇燶，可見師傅手勢一流。雖然好飽，但都不禁食曬😋值得一提係服務態度十分好，員工有禮，收碟夠快👍🏻再加上食到飽飽都唔洗$500，真係好抵!! 下次再嚟新蒲崗記住一試!!
有咗屯馬線，去新蒲崗變得好方便。今次嚟到海膽仔，喺鑽石山站行10分鐘即到。
餐廳唔算好大，但光線充足，加上日式嘅裝修，整個環境都好舒適。
呢度食目種類好多，由最基本嘅 壽司、刺身、熱食、串燒到生蠔都有。唔同口味嘅朋友都一定有嘢啱食。
壽司方面，叫咗壽司拼盤同牛油果軟殼蟹卷。壽司拼盤嘅三文魚腩壽司極肥美，油脂分布平均，入口即化又夠油香，正！帶子同海膽都十分鮮甜。牛油果軟殼蟹卷，軟殼蟹脆卜卜又香口，加埋軟滑嘅牛油果，感覺清新。
之後加兩串串燒。先嚟燒雞皮串，勁脆！一啲肥膩感都冇，感覺似食薯片，配啤酒一流！煙肉車厘茄串，車厘茄勁大粒，而且又甜又juicy，一咬爆汁，唔錯！
再嚟兩個熱食。野菜牛肉鍋(可配烏冬)，牛味濃，肉質鮮嫩，仲有大量蔬菜及菇類。鍋物用上幼身稻庭烏冬，口感適中，唔會因為浸住湯而變得過腍。而且用幼身烏冬，感覺冇咁heavy。
食到呢度已經好飽，但忍唔住想試吓佢個西京燒銀鱈魚。鱈魚肉質鮮嫩，而唔係用雪到死實嘅魚扒。魚煎得夠香但冇燶，可見師傅手勢一流。雖然好飽，但都不禁食曬😋
值得一提係服務態度十分好，員工有禮，收碟夠快👍🏻再加上食到飽飽都唔洗$500，真係好抵!! 下次再嚟新蒲崗記住一試!!!
張貼
