東南亞料理研究所 (已結業)

The Rainbow 本身個位置都比較隔涉，但由於附近越來越多住宅，終於都開番幾間食肆方便下鄰近嘅居民。見呢間新開嘅東南亞料理研究所裝修型格又坐位又寬敞，就一於試下佢。檸檬梳打 (+$8)先來兩杯嘢飲🍹夏日熱辣辣，飲杯酸酸甜甜嘅檸檬梳打最消暑。泰式奶茶 (+ $15)呢個泰茶我覺得比起泰國飲過嘅更出色！成個presentation好打卡able，上面果層厚厚嘅奶蓋好creamy，而茶底無叫小甜都唔會太甜，有驚喜！香辣炸豬腩潛艇，椰菜沙律，辣椒煉奶汁 ($88)其實我唔太鍾意食豬腩肉，因為好怕佢太肥膩。但呢個豬腩肉肥瘦適中非常Juicy，亦有椰菜沙律嘅酸酸甜甜balance番，而特製辣椒煉奶汁更加做咗個點綴，整體來講我幾中意。泰式臘腸滑雞豬油撈飯 ($78)用上瓦煲上碟真係好authentic，不過佢唔係煲仔飯，係無飯焦的😂滑雞做到無骨啖啖肉，而飯底側用上珍珠米，粒粒飽滿分明亦充滿油香。